Doue a bennigo en ti-mañ, hag en ti-mañ

Kenkoulz ar re vras hag ar re vihan

Hag Anaig Kalvez dreist bep unan

 

Da belec’h eo aet Anaig Kalvez, Anaig Kalvez

Ha n’he gwelan ket dre amañ

 

Anaig Kalvez zo war lae kousket, war lae kousket

a zo diwallet a zihunfe

 

Kloareg an Amour ha pa glevas, ha pa glevas

Skañv gant an diri lae a yeas

 

Ha dibonjour dit Anaig Kalvez, Anaig Kalvez

Te na deufes ket d’al leur nevez

 

D’al leur nevez me na yan ket, me na yan ket

Eno ma ‘maint seizh ma dous kloareg

Hag o seizh emaint klask ma c’haout

 

D’al leur nevez ni a yalo ni a yalo

Hag a greiz kalon ni a zañso

 

Teir zro d’al leur ganti en ’oe graet, ganti en ’oe graet

A benn ar beder oe aretet

Markiz Gwarand n’eus rankontret

 

Na dibonjour deoc’h, deoc’h c’hwi kloareg, deoc’h c’hwi kloareg

C‘hwi peus bet ar fleurenn deus ar merc’hed

 

Ma meus bet ar fleurenn deus ar merc’hed, deus ar merc’hed

Gant Doue din oe prometet,

 

Deomp bremañ d’ar gourenoù, d’ar gourenoù,

Da c’h’oud da biv vo ar gajoù,

 

D’ar gourenoù, me na yan ket, me na yan ket,

Kapabl evitoc’h markiz me n’on ket

 

Rannañ rafe ar galon, ar galon

El leur nevez an hini a vefe

 

Gwel goad ar c’hloareg el leur e skuilhañ, el leur e skuilhañ

Markiz Gwarand deus e lazhañ

 

Mamm dresit ma gwele din-mañ aes, ha din-mañ aes

Kar ma c’halon-me a zo diaes

 

Ma merc’hig paoul c’hwi peus re zañset, c’hwi peus re zañset

Ho kalonig paoul c’hwi peus diaezet

 

Kloareg an Amour a zo lazhet, a zo lazhet

An hini m‘ oa choazet da bried

 

Warc’hoazh da zeg eur e vo interet, e vo interet

Hon daou er memes bez e vimp lakeet